Deputeti i PDK-së, Përparim Gruda ka reaguar pas publikimit të transkriptin e seancës së 27 marsit 2025, në të cilën Hashim Thaçi kishte ngritur shqetësimet e tij lidhur me praninë e një prokurori, i cili më parë kishte punuar në Njësinë e Paraburgimit në Hagë, e që sipas Thaçit ai i kishte ofenduar dhe kërcënuar ish- krerët e UÇK-së.
Gruda, e ka quajtur ofendim për gjithë popullin e Kosovës, shtetin si dhe humbje të kredibilitetit të kësaj gjykate.
“Kjo është e papranueshme. Të trajtohet në këtë mënyrë njeriu që ishte në ballë të lirisë dhe pavarësisë së Kosovës, është fyerje jo vetëm ndaj figurës së tij, por edhe ndaj gjithë popullit dhe shtetit të Kosovës. Një gjykatë që lejon praktika të tilla, duke harruar parimet themelore të drejtësisë dhe dinjitetit njerëzor, e humb kredibilitetin e saj dhe shkel mbi besimin dhe pritjen që populli i Kosovës kishte që ajo të ofrojë drejtësi me standarde evropiane. Kjo që po ndodh në Hagë është institucionalizim i padrejtësisë”, ka shkruar ai Facebook.
Thaçi ankohet për fyerje e cenim fizik nga prokurori që kishte punuar në Qendrën e Paraburgimit
