zranit Xhaka ka dhënë sinjalin e qartë se e ardhmja e tij është te Sunderlandi, duke i dhënë fund spekulimeve për një largim të mundshëm nga “Macet e zeza”.
Gjatë ditëve të fundit është raportuar për një interesim nga Chelsea për shërbimet e mesfushorit shqiptar, por duket se këto zëra tashmë kanë marrë fund. Xhaka ka zgjedhur të vazhdojë rrugëtimin e tij me Sunderlandin dhe të përgatitet për sezonin e ri me klubin anglez.
Kapiteni i Kombëtares së Zvicrës ka emocionuar tifozët e Sunderlandit me një mesazh në rrjetet sociale, duke kujtuar vitin e parë të tij me skuadrën dhe duke shprehur ambiciet për të ardhmen.
“Një vit ka kaluar tashmë dhe koha fluturon. Kur shoh pas, është e pabesueshme se çfarë kemi ndërtuar së bashku në një kohë kaq të shkurtër. Jam mirënjohës për çdo sfidë, çdo mësim dhe çdo moment të paharrueshëm. Tani jemi gati për një tjetër sezon. Le ta bëjmë edhe më të madh”, ka shkruar Xhaka.
