E ardhmja e sulmuesit të Shqipërisë, Myrto Uzuni vazhdon të mbetet e paqartë te Grandana pasi nuk po ndihet nëse do të mbetet pjesë e ekipit apo do të largohet deri në fund të afatit kalimtar.
Granada në sezonin e ri do të bëjë gara në kategorinë e dytë të Spanjës, ndërsa ofertat nuk mungojnë për Uzunin, i cili sezonin e fundit pati paraqitje të mira.
Së fundmi, mediumet spanjolle kanë bërë të ditur se Granada ka refuzuar ofertën e Rayo Vallecanos, ekip që garon në La Liga për Uzunin.
Rayo ka ofruar zyrtarisht 4 milionë euro, ofertë kjo e papranueshme për Granadan që po kërkon të paktën dyfish më shumë për kartonin e Uzunit.
29-vjeçari pati 11 gola sezonin e kaluar në La Liga dhe prej janarit të vitit 2022 është pjesë e Granadas, ekip me të cilin ka kontratë deri në vitin 2026.
Uzuni ka edhe 35 ndeshje të luajtura për Kombëtaren e Shqipërisë dhe 5 gola të realizuar.
