Dy persona kanë raportuar në polici se derisa kanë qenë duke punuar në pompën e derivateve, kanë hyrë tre persona të maskuar.
Ankuesit kanë thënë se personat e maskuar nën kërcënimin e thikës u kanë grabitur pazarin ditor dhe kuletën e më pas me një veturë janë larguar në drejtim të panjohur.
Policia thotë se lidhur me rastin janë angazhuar njësitë policore përkatëse.
Ndërkohë që gjatë zhvillimit të hetimeve policore janë identifikuar dy prej të dyshuarve dhe automjeti me të cilin të dyshuarit e kishin kryer veprën penale.
“Lidhur me rastin është arrestuar njëri i dyshuar mashkull kosovar dhe pas intervistimit me vendim të prokurorit kujdestar është dërguar në mbajtje. Ndërsa i dyshuari i dytë i identifikuar nuk është hasur në shtëpi dhe rasti është duke u hetuar nga njësitet kompetente policore”, thuhet në raportin ditor të PK-së.
Rasti raportohet se ka ndodhur mesditën e djeshme në Stanovc të Epërm të Vushtrrisë./teve1.info/
