Policia e Kosovës ka njoftuar se janë arrestuar dy persona, njërit prej të cilëve i është gjetur edhe revolja.
“Sot, rreth orës 11:00, është raportuar për një tentim grabitje në një market në rrugën “Tahir Zemaj”, në Fushë Kosovë, ku dy persona të dyshuar kanë tentuar të kryejnë një grabitje nën kërcënimin e armës. Ka qenë reagimi i shpejtë, i njësiteve policore të Fushë Kosovës, që ka mundësuar identifikimin dhe arrestimin e dy personave të dyshuar, njërit prej të cilëve i është gjetur dhe sekuestruar: një revole e tipit TT”, thuhet në njoftimin e policisë.
Të dyshuarit me urdhër të prokurorit janë dërguar ne mbajtje.
