Sot janë arrestuar dy të mitur, të dyshuar për dy raste të grabitjes dhe lëndimit trupor në platonë e Pallatit të Rinisë në Prishtinë, raporton teve1.info.
Sipas Policisë, grabitja kishte ndodhur me datat 03.11. 2023 dhe 01.12.2023, derisa të njëjtit dyshohet se në bashkëpunim me disa bashkëmoshatarë të tjerë, nën kërcënimin e armës së ftohtë, thikë nga viktimat kanë marrë me forcë shuma të parave në vlerë mbi 100 euro.
Bëhet e ditur se personat e dyshuar që të dy të mitur, janë dërguar në qendrën e mbajtjes për 24 orë.
“Puna e hetuesve policor, është finalizuar sot, ku pas marrjes së disa veprimeve operative kanë arrit që të identifikojnë dhe arrestojnë personat të cilët dyshohet se në bashkëpunim edhe me disa bashkëmoshatarë të tjerë, duke i sulmuar fizikisht, nën kërcënimin e armës së ftohtë thikë nga viktimat kanë marrë me forcë shuma të parave (vlera e përgjithshme mbi 100 euro) Personat e dyshuar që të dy të mitur me vendim prokurorit të shtetit, janë dërguar në qendrën e mbajtjes për 24 orë, ndërkohë që hetuesit janë në kërkim të personave të tjerë të dyshuar si të përfshirë në rast”, thuhet në njoftim./teve1.info./
