Me një supergol të shënuar, futbollisti shqiptar Ylber Ramadani e mbajti skuadrën e tij, Lecce, jashtë zonës së kuqe në Serie A.
Ai realizoi golin e vetëm në takim kundër skuadrës së Torinos, në një ndeshje që u luajt të dielën mbrëma.
Ramadani shënoi në minutën e 46-të, vetëm një minutë pasi ishte futur në fushë.
Me paraqitjen e tij të mirë, ai fitoi edhe çmimin “Lojtari i Ndeshjes”.
Me këto tre pikë të fituara, Lecce ka tani 31 pikë dhe ndodhet në pozitën e 17-të, një vend që e mban në Serie A.
Empoli gjithashtu ka 31 pikë dhe renditet në vendin e 18-të, ndërsa në vendin e 19-të ndodhet Venezia me 29 pikë.
Ndërkohë që gara për mbijetesë është tepër e ngushtë, Monza duket se është pajtuar me fatin që sezonin e ardhshëm do të garojë në Serie B, pasi ndodhet në fund të tabelës me vetëm 16 pikë.
Për Ylber Ramadanin, kjo nuk është hera e parë që shpallet “Futbollisti i Ndeshjes” gjatë këtij sezoni.
