Gojnovci se duhet të punohet më shumë në ashpërsimin e masave dhe dënimeve për dhunuesit, sepse sipas tij, vetëm kështu mund minimizohet si fenomen.
“Duhet të trajtohet në kuptimin e diskutimit të hapur me fëmijët, duke u munduar për t’i minimizuar, duke u munduar të mos diskutojmë si fenomen, por vetëm si problem aksidental, duke u munduar që realisht të mos ndjellim frikë duke mos krijuar një ngarkesë psikologjike ndaj tyre. Por, për t’u zhvilluar kjo, ne si KOMF kemi kërkuar dhe do vazhdojmë të kërkojmë që fokusi në nivelin lokal, qendror dhe në të gjithë mekanizmat, qofshin të policisë, prokurorisë, që të punohet më shumë në ashpërsimin e masave dhe dënimeve për këta kryerës të veprave penale, sepse vetëm kështu mund minimizohet si fenomen”, tha Gojnovci në emisionin “Ditari”.
Më tej, ai tha se shteti duhet të merret me këta njerëz që kryejnë vepra penale të tilla, sepse ata mund të jenë njerëz me probleme të ndryshme psikologjike, sociale.
“Fenomene të tilla do na përcjellin vazhdimisht në qoftë se ne nuk merremi me këto probleme që tani. Kjo do të thotë, ne duhet të fillojmë nga familja, shkolla, shoqëria, institucionet e kështu me radhë”, shtoi ai.
Duke folur për dorëheqjen e Drejtorit të Policisë së Kosovës, Samedin Mehmetit pas rastit të dhunimit të 11-vjeçares në Prishtinë, Gojnovci tha se nëse ka dhënë dorëheqje pikërisht në dështimin e sistemit ose monitorimit të mbrojtjes në raste të tilla, atëherë është për t’u vlerësuar si akt moral, njerëzor dhe politik.