Një person i moshës 27-vjeçar ka mbetur i vdekur në Prishtinë, pasi është zënë nga semafori, i cili u godit nga një veturë.
Rastin për teve1.info, e konfirmoi zëdhënësja e Policisë për Rajonin e Prishtinës, Flora Ahmeti, e cila tha se për shkak lëndimeve të rënda trupore, viktima nuk ka arritur të përballojë plagët dhe i njëjti ka ndërruar jetë.
“Sot rreth orës 12:40 kemi pranuar informatën se në rrugën “Agim Ramadani” në Prishtinë, ka ndodhur një aksident trafiku me pasoja fatale. Në këtë aksident, kanë qenë të përfshirë një këmbësor dhe një automjet. Si pasojë e aksidentit, lëndime të rënda trupore ka pësuar këmbësori i cili nuk ka arrite të përballojë plagët dhe i njëjti ka ndërruar jetë . Vdekjen e tij e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku, ndërkohë që ngasësja automjetit është shoqëruar në stacion policor”, thuhet në përgjigjen e saj.
Ndërsa, nga Prokuroria e Shtetit njoftojnë se janë duke u marr veprimet hetimore ndaj këtij rasti.