Sulmuesi i skuadrës së Llapit, Alex Gnapi e ka fituar epitetin e futbollistit më të mirë për xhiron e shtatë në Superligën e Kosovës në futboll.
Gnapi është shpallur “Ylli i Javës”, ka njoftuar të hënën Federata e Futbollit të Kosovës (FFK), që pas secilës xhiro e shpallë lojtarin më të mirë.
Vlerësimin e më të mirit të javës e ka bërë Komisioni i Veteranëve të futbollit, që ka konfirmuar Gnapin si më të mirin, duke u bazuar në paraqitjen e tij fantastike.
Gnapi ndihmoi Llapin ta shijojë fitoren e parë të këtij sezoni, pasi kontribuoi me dy gola në triumfin e thellë 4:1 ndaj skuadrës së Gjilanit. Ai e hapi dhe mbylli serinë e golave dhe ishte më i merituari për tri pikët e para të Llapit.
Gnapi që iu bashkua Llapit nga Prishtina, është shprehur tejet i lumtur dhe i nderuar me çmimin “Ylli i Javës”, duke thënë se shpreson që kjo fitore të jetë pikë kthese për ekipin e tij, i cili insiston se ka potencial dhe cilësi të mëdha.
Po ashtu, sulmuesi falënderojë të gjithë bashkëlojtarët që e ndihmuan ta fitojë çmimin e më të mirit.
