Një person nga fshati Dobrajë e Madhe në Lipjan ka kërkuar trajtim mjekësor të mërkurën rreth orës 19:50, pasi dyshohet se është rrahur nga dy persona të tjerë.
Sipas raportit 24-orësh të Policisë, rasti është trajtuar dhe palët e përfshira janë intervistuar nga organet e rendit.
“Është raportuar se një mashkull kosovar ka kërkuar tretman mjekësor pasi dyshohet se është rrahur nga dy të dyshuar. Lidhur me rastin palët janë intervistuar dhe pas konsultimit me prokurorin janë liruar në procedurë të rregullt”, njoftoi policia.
Me vendim të prokurorit, të dyshuarit janë liruar, ndërsa rasti vazhdon të trajtohet në procedurë të rregullt.
