Edhe njëherë u paraqitën para trupit gjykues.
Hashim Thaçit, Bashkim Smakajt, Isni Kilajt, Fahri Fazliut dhe Hajredin Kuci po akuzohen për pengim të drejtëisë nga Dhomat e Specializuara të Kosovës në Hagë.
Radhën për të dëshmuar e kishte dëshmitari i dytë i Prokurorisë, Ken Herlaar, ekspert në Institutin e Kriminalistikës së Holandës.
Shumica e dëshmisë së Herlaar ishte e mbyllur për publikun.
E në pjesën e gjykimit që u zhvillua në seancë të hapur, Herlaar më shumë foli për punën që kryen Instituti në të cilin ai punon.
“Në thelb, ne bëjmë gjurmimet e materialeve, instrumenteve, mjeteve të ndryshme, ekzaminojmë objekte, gjurmimin në këto objekte për të evidentuar se çfarë gjurme lidhet me cilin dokument. Për shembull, gjurmimin që lë një printim por mund të bëjmë edhe analizën e vendngjarjeve. Por, mund të kontrollojmë edhe me objektet në vendngjarje lidhur me objektet që ka një i dyshuar”, ka thënë Herlaar.
Prokuroria u interesua më në detaje për punën që bën Herlaar në institut.
“Pyetja e parë që u bë, që na u bë ne ishte që na u kërkua të shqyrtonim, të ekzaminonim dokumente mbi bazën e mikropikave dhe ne i kërkuam institucionit kërkues në qoftë se duhej që të ekzaminonim të gjitha faqet apo një kampion të faqeve. Ne i thamë që ka dy opsione, ja thamë këtë institucionit kërkues dhe nuk e di në qoftë se ka qenë aspekti i kostos apo ka pasur aspekte të tjera, sepse na u dha përgjigje që na u dha, por ata na thanë se si të vijonim më tej”, ka thënë tutje Herlaar.
Ndërkaq, duke iu përgjigjur disa pyetjeve të mbrojtjes së Bashkim Smakajt, Herlaar pohoi se Prokuroria i ka kërkuar ekzaminimin e një dokumenti mbi bazën e mikrotipeve për të vërtetuar se nga cili printer është bërë kompje.
Eksperti i kriminalistikës, Koen Herlaar ka pohuar se Prokuroria i ka kërkuar ekzaminimin e një dokumenti mbi bazën e mikrotipeve për të vërtetuar se nga cili printer është bërë kopje.
Dëshmitari tha se nuk janë ekzaminuar të gjitha faqet e dokumentit, por nga dhjetë faqe janë ekzaminuar vetëm tri prej tyre.
E me arsyetimin e gjyqtarit se duhet të trajtohen prova konfidenciale, pjesa më e madhe e dëshmisë u dëgjua në seancë të mbyllur.
