Kanë mbetur edhe tre ditë që Gjykata Kushtetuese të jep fjalën e saj për bllokadën në Kuvendin e Kosovës.
Më 25 korrik, organi më i lartë kushtetues në vend vendosi masë të parakohshme
nga data 27 korrik deri më 8 gusht për deputetët e institucionit legjislativ.
Profesori Mazllum Baraliu thotë që më 8 gusht Kushtetuesja duhet të qartësojë situatën e krijuar në kuvend por edhe kërkesat e partive opozitare.
“ Do ta trajtoj çështjen shumë në anshmëri, do t’i merr parasysh të gjitha elementet e kërkesave dhe pyetjeve që janë bërë nga partitë politike në parashtresat e tyre. Dhe do ta marrë një vendim më konstruktiv, të qartë të shpjeguar mirë, të detajizuar të pikturuar sepse këtyre njerëzve tanë, subjekteve politike duhet t’ua thuash qartë dhe copë thotë populli, në mënyrë që ta kuptojnë dhe ta zbatojnë atë vendim e ai vendim duhet të jetë i orientuar në themelimin pra përfundimin e konstituimit të Kuvendit”, ka thënë Baraliu.
Baraliu foli edhe për kërkesën të cilën tashmë presidentja e vendit, Vjosa Osmani e ka adresuar në Gjykatën Kushtetuese ku ka kërkuar sqarim për situatën e mos konstituimit të kuvendit.
Ai tha që kërkesa e shefes së shtetit është dashur të bëhet bashkë me ato të partive politike rreth bllokadës në kuvend.
“ Gjykata Kushtetuese është dashtë të përbashkoj dy kërkesat, parashtresat e dy subjekteve politike, dhe atë të presidencës, mirëpo nga ajo që kemi dëgjuar sot dhe parë, është që Gjykata Kushtetuese në fakt kryetari i saj ka caktuar gjyqtar raportues, një gjyqtar për çështjen e presidentes, dhe kjo na dëshmon na paralajmëron se janë çështje të ndara”, është shprehur Baraliu.
Në anën tjetër, deputeti nga Lëvizja Vetëvendosje, Nezir Kraku ka thënë se Gjykata Kushtetuese duhet të jetë e qartë në vendimin e saj.
“ Unë pres dhe shpresoj realisht që Gjykata këtë herë mos me humb rastin me qenë e prerë, qartë dhe me tregu qartësisht të paktën mos me demantua vetën, se kur ka thënë 2-3 herë votimi i hapur dhe i fshehtë nuk mund të përdoret në seancën e konstituimit atëherë nuk e di cfarë duhet tjetër për ta rikonfirmuar këtë…. 01:38 ne jemi të gatshëm të shkojmë në zgjedhje në cdo moment ne po shpresojmë që Gjykata ta gjejë një formë sqarimi i cili mundet me i mbet besnik rezultatit të zgjedhjeve të fundit”, ka thënë Kraku.
Për konstituimin e kuvendit, deputetët e zgjedhur nga populli kanë dështuar plotë 54 herë.
