Gjykata në Mitrovicë i ka caktuar masën e paraburgimit prej 30 ditësh Marko Knezhevic, i njohur me nofkën ‘Drug Crni’, nga rrethina e Beogradit, që dyshohet të jetë spiun i Agjencisë së Inteligjencës së Sigurisë serbe (BIA).
Kështu kanë bërë të ditur burime të Tëvë 1.
Ndryshe, burime e televizionit bëjnë të ditur se policia të mërkurën ka bastisur banesën e tij ku ka jetuar për disa vite, e cila ndodhet në rrugën ‘Vllado Cetkovic’ në veri të Mitrovicës – ku ishte kamufluar si gazetar.
Sipas tyre, në banesë i janë gjetur dhe konfiskuar letërnjoftimi zyrtar që vërteton se është pjesëtar i Ministrisë së Punëve të Brendshme të Serbisë (MPB), dokumente të tjera të MPB-së dhe disa laptopë.