Është gjobitur një person në Mitrovicë për tejkalim në vijë të plotë.
Kështu ka njoftuar Policia e Kosovës, teksa kanë bërë të ditur se personi në fjalë është gjobitur me 150 euro, dy pikë negative si dhe masa mbrojtëse-ndalimi i drejtimit të mjetit motorik në kohëzgjatje prej tre muajve.
“Ndëshkohet kundërvajtësi për tejkalim në vijë të plotë. Hetuesit e njësisë së Trafikut Rajonal në Mitrovicën e Jugut, pas pranimit të fotove nga një qytetar, kanë identifikuar një kundërvajtës i cili gjatë drejtimit të automjetit në rrugën rajonale Pejë-Mitrovicë, shihet duke bërë tejkalim në vijë të plotë, me të cilën veprim kishte rrezikuar pjesëmarrësit e tjerë në trafikun rrugor. Kundërvajtësit i është shqiptuar gjoba prej njëqindepesëdhjetë (150) euro, dy pikë negative si dhe masa mbrojtëse-ndalimi i drejtimit të mjetit motorik në kohëzgjatje prej tre (3) muajve në territorin e Republikës së Kosovës”, thuhet në njoftimin e Policisë.
Teksa në përfundim, Policia ka ftuar pjesëmarrësit në trafik që për cdo kundërvajtje të raportojnë në linjën 192./teve1.info/.
