Policia e Kosovës ka bërë të ditur se i ka gjobitur disa qytetarë të cilët ishin incizuar të enjten duke “festuar” në rrugën “Tahir Sinan” në Shtime, në mënyrë të rrezikshme.
Policia ka publikuar pamjet, ku shihet se pasagjerët e veturave kishin rrezikuar jetën e tyre duke dalë me gjysmën e trupit nëpër xhama të veturës.
Ndërkohë, është bërë e ditur se Policia ka arritur t’i identifikojë qytetarët dhe i ka ftuar në stacion të policisë.
Ndaj tyre janë iniciuar fletëparaqitje për gjykatë për drejtimin e veturës pa patentë-shoferë dhe gjoba kundërvajtëse.
