Anis Mehmeti mund të largohet nga Ipswich Town, edhe pse u bashkua me klubin në fjalë në janar të këtij viti. 25-vjeçari shqiptar nuk u përfshi në ekip në javën e parë të Premier League, duke dhënë sinjale për mbyllje bashkëpunimi.
Por ofertat për sulmuesin e Kombëtares shqiptare nuk mungojnë, pikërisht nga Championship, aty ku shkëlqeu sezonin e shkuar. Për Mehmetin është shtuar në listë edhe Millwall. Këta të fundit e shohin shqiptarin si të duhurin për të përforcuar repartin ofensiv e për të tentuar ngjitjen në elitë.
Kujtojmë se më herët, ishin ekipe si Derby County, Birmingham dhe Wrexham që shfaqën interes për 25-vjeçarin. Megjithatë, do të jetë vetë matjani ai që do të thotë fjalën e fundit për të ardhmen.
Kujtojmë se Mehmeti ka kontratë të vlefshme me Ipswich, deri në verën e vitit 2027. Ndërsa për shërbimet e tij, klubi i Premier League shpenzoi 3 milionë euro në janar të këtij viti.
