Kryetari i Aleancës, Ardian Gjini, gjatë një takimi në Prishtinë me Presidentin e Këshillit Evropian, António Costa, ka riafirmuar pozicionin e palëkundur të Aleancës për rrugëtimin euroatlantik të Kosovës.
Gjini ka theksuar se për Aleancën, Bashkimi Evropian dhe NATO mbeten adresa e vetme dhe e paalternativë strategjike për të ardhmen e vendit.
Ai ka nënvizuar se Kosova ka ende shumë detyra dhe reforma për të përmbushur në procesin e integrimit evropian dhe euroatlantik, duke shtuar se vendit i nevojiten institucione të forta dhe stabile për të përshpejtuar këtë rrugëtim.
“Vendi ynë ka humbur mjaft kohë pa institucione funksionale. Tani, presim rezultatin e zgjedhjeve të këtij vikendi për të parë se si do të ecim përpara me një plan të qartë pune për të ardhmen”, ka shkruar Gjini në një postim në Facebook./teve1.info/
