Kandidati për kryeministër i Aleancës, Ardian Gjini, së bashku me ish-kryetarin e kësaj partie, Ramush Haradinaj, kanë publikuar një videomesazh në Facebook duke u bërë thirrje qytetarëve, aktivistëve dhe strukturave të Aleancës që të marrin pjesë në procesin e votimit.
Ata theksuan se kanë mbetur edhe pak orë deri në përmbylljen e procesit zgjedhor dhe nënvizuan rëndësinë e pjesëmarrjes në votime si një e drejtë demokratike.
“Të nderuar qytetarë, aktivistë e struktura të Aleancës. Edhe pak orë kanë mbetur që ta shfrytëzoni të drejtën për votim. Andaj, dilni dhe votoni për Kosovën, për demokracinë”, u shprehën Gjini dhe Haradinaj në mesazhin e tyre./teve1.info/
