Pas tri ndeshjeve rresht pa fitore, Gjilani të shtunën si mysafir e ka mposhtur Feronikelin 74 me rezultatin e thellë 3:0. Kjo ndeshje i takoi xhiros së 14-t të Superligës së Kosovës në futboll.
Për 1:0 shënoi sulmuesi Sedad Jaroviq në minutën e 11-të të ndeshjes.
Dhjetë minuta më pas, Oltion Bilalli e shënoi golin e dytë.
Edi Basha në minutën e 62-të e shënoi golin përfundimtar për 3:0.
Gjilani ka 17 pikë dhe është në vendin e gjashtë.
Feronikeli 74 është në pozitën e fundit në tabelë me tri pikë.
Skuadra nga Drenasi ende nuk ka shënuar fitore këtë edicion.
