Barcelona vazhdon betejën me kufirin e pagave për të regjistruar lojtarë, ndërsa gjiganti europian kërkon të arrijë marrëveshje për disa prej anëtarëve të skuadrës. Me Chelsean që po ndjek Fermin Lopez, mbrojtësi Andreas Christensen mund të jetë objektivi i radhës.
Mbrojtësit danez i ka mbetur vetëm edhe një vit kontratë me Barcelonën, dhe deri tani ai ka refuzuar çdo sugjerim për largim nga klubi. Blaugranat ndërkohë lejuan Inigo Martinez të largohej si lojtar i lirë më herët gjatë merkatos për të lehtësuar problemet me kufirin e pagave.
Sipas Pietro Balzano, përmes “Sport”, AC Milan po shqyrton një lëvizje të vonshme për Christensenin. Pavarësisht problemeve me lëndime, danezi ka performuar në nivel të lartë dhe shihet si një opsion i leverdishëm për mbrojtjen e kuqezinjve, me eksperiencë të konsiderueshme.
Nuk është e qartë nëse Barcelona do të ishte e gatshme të negociojë me Milanin për Christensenin. Megjithëse katalanasit kanë pesë qendërmbrojtës në dispozicion, Eric Garcia, Jules Kounde, Pau Cubarsi dhe Ronald Araujo. Dy të parët pritet të aktivizohen këtë sezon si mbrojtës të djathtë. Largimi i Martinez duket se përmbushi dëshirën e drejtorit sportiv Deco për të larguar një prej tyre. Për më tepër, edhe Gerard Martin po adaptohet nga mbrojtës i majtë në qendërmbrojtës, ndaj do të ishte surprizë nëse Christensen lejohet të largohet.
Trajneri Hansi Flick verën e kaluar e bëri të qartë se nuk ishte i lumtur me idenë e humbjes së më shumë lojtarëve, duke përmendur edhe rastin e Fermin dhe Marc Casado.
Megjithatë, politika e klubit nën drejtimin e Decos është që të mos lejojë lojtarët të hyjnë në vitin e fundit të kontratës pa rinovim dhe Christensen bën pjesë në këtë kategori, duke qenë se nuk ka asnjë shenjë për një marrëveshje të re.
