I. Fetahu nga Gjakova ka dorëzuar në Policinë e Kosovës një zarf me 3 mijë e 800 euro, të cilin e kishte gjetur bashkëshortja e tij në një institucion publik.
Sipas njoftimit të Policisë, pas procedurave të verifikimit, u konstatua se shuma e parave ishte raportuar si e humbur më 4 gusht 2026 nga pronari i saj.
Hetimet e zhvilluara kanë vërtetuar se mjetet financiare i përkisnin personit që kishte raportuar humbjen, ndërsa më pas ato iu kthyen pronarit legjitim.
“Policia e Kosovës falënderon familjen Fetahu për ndershmërinë dhe bashkëpunimin e treguar, duke dhënë një shembull pozitiv të përgjegjësisë qytetare dhe të bashkëpunimit me institucionet e rendit”, thuhet në njoftimin zyrtar të Policisë së Kosovës/teve1.info/
