Zëdhënësi i qeverisë gjermane, Steffen Hebestreit, ka thënë se duhet të zbatohet Marrëveshja që është rënë dakord mes Kosovës dhe Serbisë, dje në Ohër të Maqedonisë së Veriut, raporton teve1.info.
Hebestreit, e ka quajtur lajm të mirë, derisa ka thënë se tani gjithçka ka të bëjë me marrjen e udhëheqjes për mbajtjen dhe zbatimin e Marrëveshjes.
Ai ka thënë se Gjermania do të jetë krahë mbështetës për t’i përmbushur perspektivat evropiane.
“Urime për këtë progres për të vendosur marrëdhëniet mes Serbisë dhe Kosovës në një pikëmbështetje të re! Tani gjithçka ka të bëjë me marrjen e udhëheqjes për mbajtjen dhe zbatimin e asaj që është rënë dakord. Ne do të jemi në krahun tuaj për të përmbushur perspektivën tuaj evropiane!”, ka thënë Hebestreit.
Congratulations on this breakthrough to put the relationship between #Serbia and #Kosovo on a new footing! Now it is all about taking leadership for keeping and implementing what is agreed. We will be at your side to fulfill your European perspective! https://t.co/DFLI7bTywL
— Steffen Hebestreit (@RegSprecher) March 19, 2023
Dje, në Ohër të Maqedonisë së Veriut, udhëheqësit e Kosovës dhe Serbisë, me ndërmjetësuesit e BE-së, kanë arritur të pajtohet që të fillojnë zbatimin e Marrëveshjes për normalizimin e raporteve sa më shpejt që është e mundur. Megjithatë, kjo Marrëveshje nuk është nënshkruar zyrtarisht.
