Mehaj në Facebook tha se gjatë këtij takimi u bisedua për situatën gjeopolitike dhe thellimin e bashkëpunimit të mëtejmë mes dy vendeve.
“Kënaqësi dhe nder i madh ishte pritja e sotme në Bundeswehr – Ministrinë e Mbrojtjes së Gjermanisë, ku u prita nga homologia, Ministrja e Mbrojtjes, Christine Lambrecht dhe stafi i saj. Me këtë rast krahas diskutimit për situatën e re gjeopolitike dhe sfidat në mjedisin aktual të sigurisë, diskutuam edhe nivelin e bashkëpunimit bilateral në fushën e mbrojtjes si dhe fushat për thellimin e mëtejmë mes dy ministrive tona”, shkroi ai.
Teksa tha se homologia e tij u shpreh që Gjermania do ta mbështesë Kosovën në rrugëtimin drejt NATO-s.
“Gjithashtu, znj. Lambrecht, u shpreh që Gjermania do të mbështes Republikën e Kosovës në rrugëtimin drejt NATO-së dhe antarësimin e Kosovës në mekanizmat ndërkombëtar për siguri dhe paqe. Krahas shprehjes së falënderimit për mbështetjen e madhe në ndërtimin dhe zhvillimin e FSK-së, e ritheksova mirënjohjen e thellë për investimet gjermane në vendin tonë si dhe për kontributin shumë të çmueshëm të trupave ushtarake të forcave gjermane në operacionin e KFOR-it në sigurinë e vendin tonë”, shkroi tutje Mehaj.
Kurse gjatë ditës ministri Mehaj bëri të ditur se në Republikën e Gjermanisë ka udhëtuar me ftesë zyrtare nga autoritetet më të larta të Universitetit të Forcave të Armatosura – Helmut Schimdt./teve1.info/.