Në kuadër të Konferencës së Sigurisë në Mynih, presidentja e vendit, Vjosa Osmani, është takuar me gjeneralin, Christopher Cavoli, komandantin Suprem të Forcave Aleate për Evropë në NATO.
Në këtë takim është diskutuar mbi punën e NATO-s në Kosovë për gjatë 23 viteve të fundit, në mbrojtje të sigurisë e stabilitetit.
Gjithashtu, gjatë takimit Presidenca ka njoftuar se është diskutuar për zhvillimet e fundit të sigurisë në rajon e më gjerë, raporton teve1.info.
“Tutje, në takim u diskutua për zhvillimet e fundit të sigurisë në rajon e më gjerë, me ç’rast Presidentja Osmani shprehu përkushtimin e institucioneve të Republikës së Kosovës për bashkëpunim të ngushtë me aleancën e NATO-s për të siguruar paqe të qëndrueshme në këtë kohë përcaktuese për kontinentin evropian”, thuhet në njoftim.
Ndërkaq, gjenerali Cavoli i ka shprehur mirënjohje për mënyrën se si Kosova e ka menaxhuar situatën me refugjatët afganë, derisa ka vlerësuar lartë bashkëpunimin e institucioneve të Kosovës me KFOR-in.
