Një grua është gjetur pa shenja jete mesditën e së enjtes në rrugën “Hysen Xhakolli”, në Fushë Kosovë.
Lajmin për Tëvë1.info e ka konfirmuar, zëdhënësi i policisë për rajonin e Prishtinës, Agron Borovci.
Borovci, ka thënë se policia ka dalë në vendin e ngjarjes dhe po ashtu mjekët emergjentë të cilët e kanë konstatuar vdekjen e saj.
“Rreth orës 15:00, kemi pranuar informatën për një trup të pa jetë, në rrugën “Hysen Xhakolli” në Fushë Kosovë. Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, tha Borovci./teve1.info/
