Një person i lindur në vitin 1992 është gjetur pa shenja jete sot në shtëpinë e tij në Gjilan.
Rastin për Tëvë1 e ka konfirmuar Valon Osmani nga Policia Rajonale e Gjilanit, i cili bëri të ditur se njësitet policore, së bashku me Prokurorin e Shtetit dhe ekipin mjekësor emergjent, kanë dalë në vendin e ngjarjes.
Sipas Osmanit, mjeku kujdestar ka konstatuar vdekjen e viktimës.
Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore në Prishtinë për obduksion.
Ndërkohë, hetuesit e Njësitit të Hetimeve Rajonale në Gjilan, në koordinim me Prokurorin e Shtetit, janë duke ndërmarrë veprimet e nevojshme për të sqaruar rrethanat e rastit.
