Policia e Kosovës, në raportin e saj të përditshëm, ka njoftuar për gjetjen e një mjeti të pashpërthyer në Rahovec.
Sipas policisë, rasti ka ndodhur më 8 prill 2026, rreth orës 15:40, kur një qytetar ka raportuar se gjatë kryerjes së punimeve në një shtëpi ka hasur në një mjet të dyshuar shpërthyes.
Njësitë policore kanë siguruar menjëherë vendin e ngjarjes, ndërsa më pas ka ndërhyrë njësia për deminim e FSK-së, e cila ka bërë shpërthimin e kontrolluar të mjetit pa shkaktuar incidente.
Rasti është trajtuar sipas procedurave standarde të sigurisë. /teve1.info/
