Shoqata e Kosovës për Kërkim-Shpëtim ka njoftuar se Masar Vula, i cili ishte raportuar i zhdukur në zonën e Gjakovës është gjetur i gjallë dhe në gjendje të mirë shëndetësore.
ShKKSh ka thënë se Masar Vula është gjetur falë përpjekjeve të suksesshme të organeve kompetente dhe autoriteteve lokale.
“Masar Vula u gjet falë përpjekjeve të suksesshme të organeve kompetente dhe autoriteteve lokale. SHKKSH ka qenë në gatishmëri dhe e angazhuar në operacionin e kërkimit, duke ofruar mbështetje dhe koordinim me ekipet e tjera të përfshira. Falënderojmë të gjitha organet dhe individët që kontribuuan në gjetjen e sigurt të Masarit dhe për përkushtimin e treguar gjatë gjithë operacionit”, thuhet në njoftim./teve1.info/
