Xhavit Drenori nga Iniciativa Qytetare – Green për Drenas ka deklaruar se Partia Demokratike e Kosovës (PDK) në këtë komunë ndodhet në një situatë të vështirë.
Sipas Drenorit, elektorati në Komunën e Drenasit është i përçarë, ndërsa PDK-ja, sipas tij, po keqpërdoret nga grupacione të ndryshme që synojnë pushtetin.
“Partia Demokratike e Kosovës është në zor në Drenas, sipas matjeve që janë bërë. Nuk është çështja te kampioni, problemi qëndron se elektorati atje është ndarë. PDK-së i ka dalë ngjyra, sepse po keqpërdoret nga grupacione të ndryshme që duan të vijnë në pushtet dhe ta keqpërdorin atë sërish. Prandaj, në këtë pikë, unë besoj se çdo njeri që ka pak racionalitet e kupton se PDK-ja është një gënjeshtër. Nuk ka mbetur asgjë aty që ta bëjë një qytetar të thotë ‘ky është simboli im’, sepse e kanë shkatërruar”, ka deklaruar ai në emisionin “Info Nata” në Tëvë1./teve1.info/
