Policia e Kosovës ka bërë të ditur se gjatë ditës së djeshme janë gjetur mjete shpërthyese, në fshatrat Bellopojë dhe Kryshec të Pejës.
Në Bellopojë njësitet e KFOR-it kanë tërhequr në mënyrë të sigurtë mjetin, i cili dyshohet se ka qenë i modelit D-10.
“Ankuesi mashkull kosovar ka raportuar se kishte gjetur një mjet shpërthyes ku dyshohet se është modeli D-10. Në vendin e ngjarjes kanë dalë njësitet e KFOR-it dhe kanë bërë tërheqjen e mjetit”, thuhet në njoftimin e PK-së.
Kurse në Kryshec të Pejës, ankuesi ka thënë se teksa po punonte arën ka hasur në një mjet shpërthyes.
Mjeti i dyshuar granatë dore po ashtu është shpërthyer në mënyrë të suksesshme.
“Ankuesi mashkull kosovar ka raportuar se deri sa ka qenë duke punuar në arën e tij kishte gjetur një mjet shpërthyes që dyshohet të jetë granat dore A-6. Njësitë policore kanë dalë në vendin e ngjarjes si dhe njësitet e KFOR-it të cilët kanë bërë shpërthimin e mjetit shpërthyes”, ka njoftuar policia.
