Policia e Kosovës ka arrestuar gjashtë persona në Brezovicë, pesë prej tyre shtetas të Kosovës dhe një shtetas i Serbisë, nën dyshimin se ishin të përfshirë në zhvillimin e lojërave të fatit në disa lokale.
Sipas njoftimit zyrtar të Policisë, aksioni është realizuar më 20 dhjetor rreth orës 22:50, kur njësitë policore kanë kryer kontrolle në lokale të ndryshme.
Gjatë kontrollit, te njëri nga të dyshuarit është gjetur dhe sekuestruar një sasi prej 1.01 gramësh substancë e dyshuar narkotike e llojit marihuanë.
Të gjithë personat e përfshirë janë arrestuar dhe me vendim të prokurorit kompetent, janë dërguar në mbajtje, ndërsa rasti po trajtohet nga autoritetet përkatëse.
“Janë arrestuar 6 të dyshuar; 5 prej tyre m/k dhe 1 shtetas i Serbisë për shkak se gjatë kontrollit nga njësitë policore janë hasur në lokale duke zhvilluar lojëra fati. Te njëri prej të dyshuarve janë gjetur dhe konfiskuar 1.01 gram substanca të dyshuara narkotike të llojit marihuanë. Me vendim të prokurorit të gjithë të dyshuarit janë dërguar në mbajtje”, njofton PK. /teve1.info/
