Prishtinës i janë kthyer dy futbollistë nga infermieria dhe tani trajneri Egbo, mund të llogarisë në dy lojtarët për ndeshjet e mbetura të sezonit vjeshtor të Superligës së Kosovës në futboll.
Mesfushori Kushtrim Gashi dhe sulmuesi anësor, Kreshnik Uka kanë lënë mbrapa “vuajtjet” e tyre gjatë një kohe të gjatë dhe janë gati për “sprintin” e tyre me ekipin bardheblu.
Njoftimin për rikthimin e dy lojtarëve nga infermieria e bëri vetë klubi i Prishtinës, derisa bën me dije se të dy janë duke u stërvitur dhe ndihen gati për të qenë dispozicion të trajnerit nigerian, Emmanuel Egbo.
Mesfushori Gashi nuk luan që nga finalja e Kupës së Kosovës në përballjen me Gjilanin, në të cilën takim e fitoj Prishtina, por që mesfushori pësojë një lëndim në këmbën e tij të djathtë, derisa muajë të gjatë pushimi kishte edhe anësori Uka që humbi sezonin e kaluar shkak të një lëndimi në ligamente.
Të dy futbollistë janë gati për ndeshjen e xhiros së 15 në të cilën Prishtina është nikoqire e skuadrës së Dritës, por deri të ky takim sëpari duhet të përfundojë fushata kualifikuese e Kosovës për Evropianin 2024.
