Ministrja në detyrë e Drejtësisë, Donika Gërvalla-Schwarz, ka shprehur ngushëllime për ndarjen nga jeta të veprimtarit të njohur Hafiz Gagica.
Në një postim në Facebook, ajo e ka vlerësuar Gagicën si një figurë të rëndësishme në procesin e çlirimit dhe shtetndërtimit të Kosovës, duke theksuar kontributin e tij të veçantë në organizimin dhe mobilizimin e mërgatës shqiptare në Gjermani.
“Sot në orët e hershme të mëngjesit, pas një sëmundjeje të rëndë, është ndarë nga jeta Hafiz Gagica. Emri dhe veprimtaria e tij mbeten të pandashme nga lufta për lirinë dhe pavarësinë e Kosovës”, ka shkruar ajo.
Gërvalla ka theksuar se qindra mijëra shqiptarë në Gjermani, në mërgatë dhe në Kosovë janë dëshmitarë të kontributit të tij të vazhdueshëm në shërbim të vendit.
Ajo e ka cilësuar ndarjen nga jeta të Gagicës si një humbje të madhe për Republikën e Kosovës dhe qytetarët e saj, duke u shprehur ngushëllime familjes, miqve dhe bashkëpunëtorëve të tij./teve1.info/
