Ministrja e Punëve të Jashtme dhe e Diasporës, Donika Gërvalla ka thënë se shumë shpesh takon në aeroport dhjetra qytetarë që kanë tendencë të kthimit në Kosovë.
Ajo në emisionin “Këndi i Debatit” në Tëvë1 ka thënë se ata kanë konstatuar se jo gjithçka në Gjermani e Zvicër është e lehtë siç u duket nga distanca.
Gërvalla tha se Evropa Perëndimore është duke u ballafaquar me vështirësi të mëdha ekonomike.
“Sa i përket ikjes nga Kosova, ikja e madhe ka ndodhur në vitin 2015-2016… Unë takoj më dhjetra qytetarë në muaj dhe shoh që ka një tendencë të kthimit me kujdes… Unë çdo herë takoj njerëz në aeroplan njerëz të cilët kanë ikur para një kohe jo shumë të gjatë dhe po kthehen përsëri, sepse kanë konstatuar se jo gjithçka në Gjermani e Zvicër është e lehtë siç u duket nga distanca. Pra, është e vërtetë që Evropa Perëndimore është duke u ballafaquar me vështirësi të mëdha ekonomike, Evropa është duke vuajtur nga një gjendje instabiliteti…Pra nuk jemi 1990. Gjermania është në krizë të rëndë ekonomike.” – tha ajo.
