Ministrja në detyrë e Drejtësisë, Donika Gërvalla, ka deklaruar se Gjykata Administrative nuk përbën vetëm një hallkë të re në sistemin e drejtësisë, por një mekanizëm të rëndësishëm të shtetit ligjor në Republikën e Kosovës.
Në një postim në Facebook, Gërvalla theksoi se suksesi i kësaj gjykate nuk matet vetëm me themelimin e saj, por me rezultatet që do të prodhojë në praktikë.
Sipas saj, rëndësi të veçantë kanë vendimet cilësore, unifikimi i praktikës gjyqësore dhe ndërtimi i besimit të qytetarëve në sistemin e drejtësisë.
Ajo shtoi se funksionimi efektiv i Gjykatës Administrative do të kontribuojë në forcimin e shtetit ligjor dhe thellimin e reformës në sistemin e drejtësisë në Kosovë.
