Perimetri i sigurisë u vendos.
E të pranishëm përveç Policisë së Kosovës, këtë të martë në Kalludër të Zubin Potokut ishin edhe pjesëtarë të EULEX-it.
Në këtë lokacion dyshohet se ka mbetje mortore të luftës së fundit.
Pas disa orëve kërkim, gërmimet u ndërprenë.
Nga Instituti i Mjekësisë Ligjore bënë të ditur se janë gjetur disa pjesë kockore.
Detaje dha edhe Kushtrim Gara nga Komisioni Qeveritar për Persona të zhdukur.
E pikërisht të martën, në Zubin Potok Prokuroria arrestoi dy persona nën dyshimin për krime lufte.
Të njëjtit dyshohen se gjatë vitit 1999, kanë marrë pjesë në vrasjen e 23 civilëve shqiptarë.
“Sipas dyshimeve, M.J dhe M.B. gjatë periudhës së luftës, respektivisht gjatë vitit 1999, dyshohet se kanë kryer krime ndaj popullsisë civile, në rajonin e Mitrovicës. Të dyshuarit janë ndaluar për 48 orë me vendim të Prokurorisë Speciale, ndërsa ndaj tyre do të ndërmerren veprimet e mëtejshme procedurale, në përputhje me legjilsacionin në fuqi”, kanë njoftuar nga Prokuroria Speciale.
Gërmimet në Kalludër, pritet të vazhdojnë edhe në ditët në vazhdim.
