Tre persona kanë humbur jetën dhe mbi 200 të tjerë janë lënduar pas tërmetit që ka ndodhur sot rreth orës 20:00 në Turqi, me magnitudë 6.4 shkallë të Rihterit.
Gazetari, Sokol Brahaj, nga Turqia tregon se po kërkohen edhe katër persona në një rrënojë tjetër.
“Me të dhënat zyrtare tre persona humbën jetën, është një rrënojë tjetër që kërkohen katër persona njëri prej tyre është shpëtuar” ka thënë ai në emisionin “Info Nata” në Tëvë1.
Brahaj ka bërë të ditur se deri më tani 213 persona janë dërguar në spital për të dëmtuarit nga tërmeti.
