Ish zëvendësministri për Komunitete dhe Kthim, Milazim Gashi, tha se vendimi i kryeministrit Albin Kurti për dinarin ka qenë i ngutshëm dhe sipas tij aleatët e Kosovës nuk është dashtë të befasohen me vendime të tilla, raporton teve1.info
Ne diskutimin nëse Kosova i ka dëmtuar marrëdhëniet me aleatët ndërkombëtarë me vendimin për largimin nga përdorimi të valutës të dinarit serb, Gashi tha se matjet e sigurisë por edhe të ekspertëve të huaj kanë treguar se ky ka qenë veprim i ngutshëm i cili ka mund të eskaloj.
Në emisionin “Info Nata” në Tëvë1, Gashi tha se veprimi i kryeministrit Kurti për dinarin ka qeve veprim i ngutshëm dhe pa koordinim me aleatët ndërkombëtar.
“Veprimet e Qeverisë për mendimin tim në aspektin e matjes së sigurisë por edhe ekspertët e huaj janë të ngutshme për shkak se aleatët nuk guxojnë të befasohen me situata “ad-hoc” të cilat kanë mundur me eskalu dhe me gjet të papërgatitur ndonjë operacion të caktuar të shtetit. Faktikisht, është veprim i ngutshëm dhe do të maten me saktësi se pse sepse është veprim teknik”, tha ai.
Sipas Gashit, 90 për qind e serbëve kanë funksionuar me dinarë, ndërsa tha se ndërhyrja e Qeverisë në këtë kohë pa e informuar komunitetin, është veprim i ngutshëm.
“Mendoj që do t’i faturohet edhe zotit Kurti sepse nuk ka ditur të adaptoj edhe elementin ndërkombëtar që çdo veprim, në aspektin e gjeostrategjisë janë byro të caktuara të cilat duhet me u koordinu, pa një koordinim, nuk po flas për koordinim politik por për shkak se gjendemi në një pllakë të një krize të caktuar nga qarqe të Rusisë, andaj çdo kryeministër i Kosovës duhet të ketë informata të bollshme dhe mos të bëjë veprim politik i cili mund t’i kushtoj pastaj në aspektin ushtarak dhe të sigurisë sepse është vonë të kthehemi prapa nëse eskalon një element i caktuar i pamatur mirë politikisht. Nëse ka tendenca të caktuara çfarëdo kryeministri që futet në këtë element do t’i faturohet dhe do të barrikadohet me elemente të tilla”, deklaroi Gashi.
