Argjentinasi 18-vjeçar, Alejando Garnacho, ka shënuar gol në minutën e 93-të për fitoren e Manchester Unitedit.
Unitedi të dielën mbrëma fitoi 2:1 në udhëtim ndaj Fulhamit, në kuadër të xhiros së 16-të të Premier Leagues. Garnacho shënoi gol të bukur, pas asistimit edhe më të bukur të mesfushorit danez, Christian Eriksen.
Erikseni shënoi për 1:0 në minutën e 14-të të takimit. Për danezin ishte goli i parë për Manchester Unitedin.
Rezultatin në 1:1 e barazoi Daniel James në minutën e 61-të.
Unitedi është i pesti me 26 pikë nga 14 ndeshje. Fulhami renditet i nënti me 19 pikë nga 15 ndeshje. Kjo ishte ndeshja e fundit e Premier Leagues para pushimit prej mbi një muaji për shkak të Botërorit.