Galatasaray ka regjistruar fitore të rëndësishme në xhiron e 17 të Superligës së Turqisë, derisa triumfoi në derbin kundër Fenerbahçes.
Ndeshja e zhvilluar këtë të diel në stadiumin “Sukru Saracoglu” përfundoi me rezultatin 0:3 në të mirë të skuadrës ku luan Milot Rashica.
Sergio Oliveira (32’), Kerem Akturkoglu (78’) dhe Mauro Icardi (90+11’) shënuan në fitoren e mysafirëve.
Vlen të theksohet se Milot Rashica ishte titullar edhe në këtë ndeshje, teksa luajti për 70 minuta. Irfan Kahveci i vendasve u përjashtua nga ndeshja në minutën e 86-të, pasi u ndëshkua direkt me karton të kuq.
Galatasaray pas kësaj fitore ka 39 pikë dhe vazhdon kryesimin në tabelë, tani me katër pikë më shumë se Fenerbahce.
