Ekipi i FC Futsal “Policia e Kosovës” ka vazhduar serinë e fitoreve në garat e Ligës së Parë të Futsallit, nën ombrellën e Federatës së Futbollit të Kosovës, për edicionin garues 2025/2026.
Në ndeshjen e luajtur të hënën mbrëma në Pallatin e Rinisë dhe Sportit në Prishtinë, FC “Policia e Kosovës” si vendas ka mposhtur skuadrën 13 Qershori.
Ndeshja përfundoi me rezultatin 4:3 në favor të FC “Policia e Kosovës” që shënoi fitore të merituar, duke duke shfaqur lojë të fortë, të disiplinuar dhe performancë të lartë ekipore.
FC Futsal “Policia e Kosovës” synon të vazhdojë me përkushtim maksimal drejt rezultateve të larta sportive, duke u afirmuar si një ekip model në disiplinë, profesionalizëm dhe zhvillim të talentit vendor, me ambicie të qarta për ngritje në elitën e futsallit dhe përfaqësim dinjitoz në arenën kombëtare e ndërkombëtare.
Skuadra shpreh falënderim të sinqertë për tifozët dhe përfaqësuesit e mediave për mbështetjen e vazhdueshme, e cila luan rol kyç në motivimin dhe sukseset e arritura në parket.
