Më 7 mars Kosova shënoi fitore të madhe 1:0 kundër Kroacisë në udhëtim, katër ditë pasi e kishte mposhtur thellë 6:0 Gjibraltarin në Prishtinë.
Në prill e mposhti dy herë edhe Bullgarinë.
Fitoren e radhës, të pestën, futbollistet e Kosovës e synojnë të premten për të siguruar kalimin në Ligën B të Ligës së Kombeve për edicionin e ardhshëm.
Kosova e Kroacia përballen të premten nga ora 19:00 në stadiumin “Fadil Vokrri” në Prishtinë.
Ndeshja i takon Grupit C2 të kualifikimeve evropiane për Kupën e Botës 2027 për futbolliste.
Kosova i prin Grupit C2 me 12 pikë. Pasojnë Kroacia me nëntë pikë, Bullgaria me tri pikë dhe Gjibraltari pa pikë.
Prej Ligës C kualifikimi direkt në Botëror nuk është i mundur. Por vendi i parë në grup siguron plejofin kualifikues për Botëror, e po ashtu avancimin në Ligën B për kampanjën e ardhshme.
Katër ditë pas ndeshjes me Kroacinë, futbollistet e Kosovës udhëtojnë për në Gjibraltar.
