Përfaqësuesja e Kosovës U17, do t’i zhvillojë dy ndeshje miqësore kundër Maqedonisë së Veriut, të cilat do të shërbejnë si përgatitje për kualifikimet e Kampionatit Evropian që luhen në muajin nëntor, ka njoftuar FFK-ja të martën.
Dueli i parë, do të zhvillohet në mërkurën prej orës 16:00 në stadiumin “Zahir Pajaziti” në Podujevë, ndërsa ndeshja e dytë, do të luhet në të njëjtin stadium por dy ditë më vonë. Kjo ndeshje nis në orën 11:00.
Në njoftimin e FFK-së, thuhet se këto dy miqësore do t’i shërbejnë përzgjedhësit Arbnor Morina për të parë formën e lojtarëve para ndeshjeve kualifikuese.
Kosova bën pjesë në grupin 9 të kualifikimeve për Evropian, së bashku me Anglinë, Kroacinë dhe Ishujt Faroe. Ndeshjet e këtij grupi, do të zhvillohen në Kroaci prej 3 deri më 9 nëntor.