Të shtunën u funksionalizua Instituti për Krimet e Kryera Gjatë Luftës në Kosovë.
Në 16-vjetorin e Pavarësisë, aty u dorëzuan dokumentet e para që dëshmojnë gjenocidin e Serbisë.
I pranishëm ishte edhe kryeministri, Albin Kurti.
Nga aty, ai tha se nga sot të gjithë ata që posedojnë dëshmi të tilla, tashmë e kanë adresën se ku mund t’i dorëzojnë ato.
Kurse, drejtori i këtij Instituti, Atdhe Hetemi tha se dokumentet e pranuara do të jenë themel për të dërguar një mesazh të fuqishëm se paqja e drejtësia janë vlerat kryesore të Kosovës.
Derisa kryetari i Këshillit Koordinues të Asociacioneve Familjare të të Zhdukurve të Kosovës, Ahmet Grajqevci u shpreh se mungesa e këtij Instituti u ka shkaktuar vështirësi në ruajtjen e dokumenteve.
Pas përfundimit të ceremonisë, Kurtit iu prezantuan edhe disa nga dëshmitë që kanë nga Këshilli Koordinues për të Zhdukurit për krimet e kryera gjatë luftës së fundit në Kosovë.
