Nga sot e tutje, me këtë fugon do të transportohen mallrat e Kooperativës Bujqësore në Krushë.
Ky mjet transporti, së bashku me kompjuterë e mjete tjera u dhanë si donacion nga EULEX-i.
E me këtë rast, presidentja e vendit, Vjosa Osmani së bashku me shefin e EULEX-it, Lars-Gunnar Wigermark vizituan fabrikën e udhëhequr nga Fahrije Hoti e gratë e Krushës.
Shefja e shtetit u shpreh se do të ketë mbështetje edhe nga presidenca e donatorë të tjerë.
Ndërkaq shefi i misionit të EULEX-it, Lars Gunnar Wigemark përgëzoi gratë e Krushës për angazhimin e tyre.
“Përmes përkushtimit tuaj, qëndrueshmërisë dhe punës së palodhshme, ju keni thyer çdo pengesë karshi grave për realizimin e ambicieve tuaja. Ju jeni dëshmia e gjallë se si gratë me një vizion të qartë janë në gjendje të ngrihen nga hiri i luftës brutale… Kam thyer rregullat e pandemisë për të shkuar dhe parë filmin ‘Zgjoi’ i cili paraqet përpëlitjet e një gruaje të vetme, duke u përpjekur të krijoj një biznes të vogël…’’, tha Wigemark.
E pronarja e fabrikës, Fahrije Hoti u shpreh se kanë pasur nevojë për këtë furgon.
Kooperativa Bujqësore në Krushë ka të punësuar 75 persona dhe synon që këtë numër ta rrisë në 100.
Raporti i gazetares Albiona Hajdari.