Forca e Sigurisë së Kosovës (FSK), në kuadër të aktiviteteve dhe stërvitjeve operative të planifikuara, do të zhvillojë ushtrime fushore në zonën e Liqenit të Badovcit dhe përgjatë një pjese të rrugës “Pëllazgët” në fshatin Mramor.
Në njoftimin zyrtar të Komunës së Prishtinës bëhet e ditur se, stërvitjet do të mbahen më 21 dhe 22 maj, si dhe më 28 maj 2026.
Gjatë realizimit të ushtrimeve, qytetarët mund të vërejnë lëvizje të shtuar të automjeteve dhe personelit të FSK-së, si dhe përdorim të armëve dhe të shtënave stërvitore.
“Andaj, kërkojmë mirëkuptimin e qytetarëve që të mos shqetësohen nga aktivitetet e lartëcekura, pasi bëhet fjalë për ushtrime të planifikuara dhe të kontrolluara nga institucionet përgjegjëse të sigurisë. Faleminderit për bashkëpunimin dhe mirëkuptimin tuaj”, thuhet në njoftimin e Komunës së Prishtinës./teve1.info/
