Pasi arriti të bënte një rikthim thuajse të pamundur në fund të çerekut të katërt, Rudy Gobert ishte dominues në kohën shtesë kundër Turqisë.
Franca të shtunën gjatë ditës fitoi ndaj Turqisë 87:86 në 1/8 e finales dhe kualifikohet në çerekfinale.
Franca ishte dominuese në pjesën e parë duke krijuar avantazh prej 16 pikëve, 31:15, por Turqia shpejtë u kthye në lojë.
Turqit në çerekun e tretë shënuan seri prej 19:0 dhe dolën në epërsi për herë të parë në ndeshje. Në 10 minutat e fundit pati epërsi prej tetë pikëve.
Franca i barazoi shifrat në tre sekondat e fundit me Rudy Gobertin në 77:77.
Turqia e pati sulmin e fundit, por nuk shënoi dhe ndeshja shkoi në vazhdimin prej 5 minutash, ku më të suksesshëm ishin francezët që fituan 10:9.
Franca në çerekfinale të Eurobasketit 2022 takohet me fituesin e ndeshjes Italia – Serbia.
