Trajneri Paulo Fonseca do të largohet nga Lille për të vazhduar karrierën në Serie A të Italisë.
Portugezi 51-vjeçar prej sezonit të ardhshëm do të jetë në krye të skuadrës së Milanit. Mediumet italiane raportojnë se Fonseca tashmë ka arritur marrëveshje me Milanin, e cila do të bëhet zyrtare muajin që vjen.
Fonseca me Milanin do të firmos kontratë trevjeçare dhe do të ketë pagë vjetore prej tre milionë eurosh plus bonuset.
Ai do të largohet nga Lille pasi muajin tjetër i skadon kontrata me klubin që e udhëhoqi prej vitit 2022.
Fonseca e njeh futbollin italian pasi gjatë periudhës 2019-2021 ka qenë trajner i skuadrës së Romës.
