Të paktën gjashtë lojtarë të Interit do të largohen deri në verë nga klubi dhe tashmë skuadra po mendon për transferimet që do të bëhen.
Disa lojtarë shohin se kontrata e tyre skadon në qershor dhe shumë prej tyre nuk do të nënshkruajnë marrëveshje të reja.
Mes tyre janë Roberto Gagliardini, Danilo D’Ambrosio, Samir Handanovic dhe Milan Skriniar i cili tashmë ka arritur marrëveshje me gjigantët e Ligue 1, PSG.
Nerazzurrët së shpejti do të hapin bisedimet me Stefan de Vrij, i cili gjithashtu ka një kontratë që skadon në qershor.
Kjo nuk është e gjitha pasi gjigantët e Serisë A do të përpiqen gjithashtu të lirohen nga Joaquin Correa dhe Denzel Dumfies agjentja e të cilëve Rafaela Pimenta ka zhvilluar bisedime me disa klube të Premier League, duke përfshirë Chelsea, Newcastle dhe Manchester United.
E ardhmja e Romelu Lukakut dhe Francesco Acerbi është gjithashtu në dyshim. Të dy lojtarët iu bashkuan Interit në formë huazimi verën e kaluar, por ndërsa mbrojtësi ka ofruar paraqitje bindëse dhe mund të qëndrojë, sulmuesi belg ka qenë shumë zhgënjyes dhe duhet të fitojë një vend në ekip për 2023-24 në pjesën e dytë të sezonit aktual.
Sipas Gazzetta, Firmino i Liverpool-it është një opsion për Nerazzurrët për sezonin e ardhshëm veçanërisht nëse Lukaku largohet. Kontrata e 31-vjeçarit në ‘Anfield’ skadon në verë.
